O camiño de Señorín a Mesego no Carballiño.

Os camiños antigos que caeron en desuso van desaparecendo pouco a pouco. Este era o vello camiño que dende Mesego se achegaba ata Señorín pola beira da igrexa parroquial. Era un camiño para percorrer a pe ou en sela porque o seu ancho e as escaleiras que salvaban a pendente preto da igrexa de Señorín non permitía o paso dun carro. Como moitos outros camiños que compuñan a trama viaria da contorna do Porto do Carro foron desaparecendo uns por desuso, outros simplemente foron pechados e algúns incluso foron roubados polas propiedades lindantes.

Fotografía do "Vuelo Americano serie B".(1957)